Ordiziako Mendi Lasterketa izan zen jokoan igandean, eta Soronea-Ammma taldeko Oier Zubeldia amezketarra hirugarren izan zen 21 kilometroko proban. Zubeldiak 1.32.36ko denbora behar izan zuen proba amaitzeko. Bere aurretik Ibai Larrea antzuolarra (1.29.01) eta Gontzal Murgoitio elorriotarra (1.30.15) helmugaratu ziren.
Emaitza horrekin hirugarren postuan jarri da Zubeldia aurtengo Goierri Kopa Trailean, Ordiziako Mendi Lasterketa izan baita koparen lehenengo proba. 96 puntu ditu amezketarrak, 100 puntu Larreak eta 98 puntu Murgoitiok.
Goierriko Kopa Sprint txapelketan, emakumezkoetan lehen postuan dago Eider Zubeldia amezketarra. Ordiziako Mendi Lasterketako 14 kilometroko proban bosgarren egin zuen Zubeldiak eta Garineko Mendi Lasterketan ere postu bera lortu zuenez, sailkapenaren buru dago 184 punturekin. Maite Murgia lazkaotarra bigarren doa, 150 punturekin.
Mutiletan, Goierri Kopa Sprintean bigarren doa Amets Uzkudun altzotarra. Ordiziako Mendi Lasterketako 14 kilometroko proban zazpigarren postuan amaitu zuen Uzkudunek, eta Garingo proban pilatutako puntuak batuz, 128 puntu ditu guztira altzotarrak.
Oier Zubeldia, hirugarren Ordiziako Mendi Lasterketan
Mendi lasterkari amezketarra podiumera igo da igandean jokatutako Ordiziako Mendi Lasterketan, 21 kilometroko proban.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!