Atzo arratsaldeko euriteak kalteak eragin zituen eskualdeko hainbat txokotan. Alkizan, esate baterako, luiziak izan ziren bidean. Errepideak bere onera ekarri zituzten herritarrek, auzolanean, eta kalte handirik ez zuen eragin eguraldiak. Alkizako udal ordezkariek aipatu dutenez, atzo arratsaldean pare bat ordutan argi gabe geratu ziren. Intzidentzia konpontzea lortu zuten iluntzerako.
Larraulen ere urek gainezka egin zuten zenbait gunetan eta herriko frontoia, adibidez, urpean gelditu zen atzo arratsaldean.
