Atzo hasi zen txapelketa eta Aldai-Zabala bikoteak 17-22 galdu zuten Arrizabalaga eta Bergararen aurka. Arrizabalagak iaz irabazi zuen txapela Itxaso Erasun Behar Zanako pilotari zizurkildarrarekin, eta bera nabarmendu zen partidan, Bergarak ondo lagunduta.
Erasunek, bere aldetik, bihar jokatuko du bere lehen partida txapelketan. Oraingoan Salsamendi izango da bere aurrelaria, eta Etxegarai eta Behar Zanako Miriam Arrillaga aginagarra izango dituzte aurkari Turtziozen.