Gazte Koordinadora Sozialistak (GKS) manifestazio nazionalak deitu ditu Bilbon eta Iruñean urtarrilaren 25ean Gerraren eta faxismoaren aurka gazte langileok lehen lerrora lelopean. Deialdi horren harira, Tolosaldean hainbat ekintza eta aurkezpen antolatu dituzte.
Aurkezpenak Anoetan, Ibarran eta Tolosan egingo dituzte. Anoetan gaur, abenduak 19, izango da, 19:00etan gaztetxean. Ibarran eta Tolosan, berriz, bihar, abenduaren 20an, izango dira, 18:00etan. Ibarraren kasuan, Txontxon, eta Tolosaren kasuan, Apaiz etxean.
Ekintzei dagokienez, horiek ere Anoetan, Ibarran eta Tolosan egingo dituzte. Ibarran urtarrilaren 4an mural margoketa egingo dute. Egun berean, Tolosan, grafiti tailerra antolatu dute. Azkenik, Anoetan, urtarrilaren 11n, mural margoketa egingo dute.