Ataria Bertso Jaialdia urtarrilaren 18an izango da eta Maialen Lujanbio, Sustrai Colina, Alaia Martin, Iñigo Gorostarzu Etxorde, Oihana Iguaran eta Andoni Rekondo ariko dira bertsotan, Amaia Agirrek proposatutako gaiekin. Saioa ikusteko sarrerak salgai daude oraindik, Atarikideentzat bakarrik, sarrera guztiak zenbakituak izango dira eta ez da erreserbarik onartuko. Sarrerak Ataria-ko egoitzan salduko dira bihar 10:30etik 13:30era (San Esteban auzoa, 20, Tolosa).
Atarikideek 16 euro ordaindu beharko dute sarrera bakoitza eta gehienez bi sarrera erosi ahalko dituzte prezio horretan. Bi sarrera baino gehiago erosi nahi izanez gero, hirugarrenetik aurrera, sarrera bakoitzarengatik 19 euro ordaindu beharko dira. Banku txartelarekin ordaintzeko aukera ere egongo da.
Sarrerak erosteko egunak eta ordutegiak Atarikideentzat:
- Bihar, ostirala: 10:30 - 13:30.
Hilaren 27tik aurrera, eta sarrerak geratuz gero, gainerako herritarrek erosi ahalko dituzte. Kasu horretan sarrera bakoitza 19 euroko prezioan eskuratu ahalko da, online erosi beharko dira Kutxabank bidez.
Ataria-rekin bat egiteaz gain, bertso jaialdi ederraz gozatzeko aukera ematen du urteroko hitzorduak. Beraz, ez galdu aukera, eta gorde eguna!