«Enplegua sustatzeaz gain, pertsonen autonomia eta bizi-kalitatea bermatzeko tresnak lantzen ditugu», nabarmendu du Otaegik. Bere sailak hainbat jarduera garatzen ditu, hala nola, lan-orientazioa, prestakuntza-programak eta enpresa eta langileen arteko loturak sustatzea.
Enplegurako politika aktiboak eskualdean garatzea da Enplegu Saileko helburu nagusia. Horretarako, lan bila dabiltzan pertsonekin zein langileak behar dituzten enpresekin egiten dute lan. Hor garapena izan du, baita ere, Enplegu Sailak, uneko egoerari erantzunez: laguntza zerbitzuak eskaintzeko egiten dute lan, langileei euren bizitza berrantolatzen lagundu eta laneratzen laguntzeko. «Momentu honetan, langabezia tasa oso apala da, eta kasuistika edo baldintza berezidun herritarrei laguntzeko ari gara lanean». Lanbideren, Gipuzkoako Foru Aldundiaren eta Europako Gizarte Funtsaren diru laguntzen bitartez laguntzen dituzte.
Horrez gain, Tolosaldeko enpresekin harreman zuzena izaten dute, eskualdeko enplegu beharrak ezagutzeko eta pro l egokiak bilatzeko. «Horretan oinarritzen gara gure prestakuntza eskaintza diseinatzerakoan», dio