Hiru sail arduradunek argi dute lankidetza dela arrakastaren oinarria. Industria indartzea, udalerrien garapen jasangarria eta enplegu-aukerak sustatzea helburu bateratu baten parte dira: Tolosaldea eskualde dinamiko eta inklusibo bihurtzea. Eskualdeko erakundeen eta herritarren arteko lotura indartuz, Tolosaldea Garatzenek eskualdearen hazkunde eta jasangarri- tasunaren aldeko apustua berresten du. «Lan handia dago aurretik, baina guretzat erronka bat baino gehiago, aukera paregabea da», diote. Garapen agentziaren lanak ondorengo sailetan banatuta daude: enpresak, enplegua, ekintzailetza, turismoa, aniztasuna, kontsumoa eta udalak.
Zeharrekotasuna eragileen artean sustatzeaz gain, erakundearen beraren identitareari lotuta ere badago. Edozein sektoretan eskualdearen traktore izateko egiten du lan Tolosaldea Garatzenek. Horretarako, beharrak detektatzean, proiektu forma ematen saiatzen dira programa desberdinen bidez, bakoitzak bere eragileekin landu ahal izateko. «Elkarlanerako espazioa eskaintzen dugu, harremanak sortu eta sinergiak bultzatzeko».