Amasa-Villabonako (Zizurkil, Aduna) Odol Ordezkaritzak omenaldia egin zien iragan azaroaren 29an bailarako 9 odol emaileri. «Oso garrantzitsutzat jotzen dugu gure inguruko boluntarioen lana, eta odol emaileen ekarpena nabarmendu nahi dugu, anonimotasunetik eta modu altruistan odola modu erregularrean eta konpromiso handiarekin ematen dutelako», esan zuten.
Ekitaldian udal ordezkariak izan ziren, Beatriz Unzue Villabonako alkatea eta odol emaileen eskualdeko ordezkaria buru zirela. Odol emaileek udalak eskaintzen duen laguntza eskertu zuten, «sei urtean zehar erauzketa bakoitzak eragiten dituen gastuak ordaintzeko egin duen ekarpen ekonomikoagatik eta erauzketak egiteko lokalak eskaintzen dizkigulako».
25, 50, 75 eta 80 dohaintza eman dituztenak omendu zituzten.
25 dohaintzarekin
- Maria Pilar Kortajarena (Zizurkil)
- Juan Jose Iturbe (Zizurkil)
- Maria Aranzazu Mujika (Villabona)
- Mirian Quinn (Villabona)
50 dohaintzarekin
- Asier Aizpurua (Zizurkil)
- Jesus Maria Oiarzabal
75 dohaintzarekin
- Tomas Castellano (Villabona)
- Emilio Zubeldia (Zizurkil)
80 dohaintzarekin
- Maria Jose Baltasar (Aduna)