Batzuk puntan-puntan aritu ziren hasiera-hasieratik garaipena lortzeko lehian, eta beste batzuk, berriz, proba herrikoian gozatzeko beste erronkarik ez zuten izan, lagunartean eta familiartean korrika irtetea, alegia. Buruan, ondoren podiumerako borrokan ariko ziren bikoteak jarri ziren lehen itzulia osatu baino lehen. Pixkana-pixkana, ordea, Lasa-Garikanok pausoak bizkortu zituzten, tartea zabalduz.
Atzetik, Maite Carrica donostiarra eta Mikel Leal irundarra, Nerea Urteaga zumaiarra eta Iñaki Salaberria eskoriatzarra, Nerea eta Iñaki Murua anai-arreba altzotarrak eta June Agirrezabalaga eta Aritz Arregi zarauztarrak joan ziren, eta lehia interesgarria bezain irekia zegoela ikusi zen. Azkenean, hurrenez hurren, postu horietan helmugaratu ziren.
Argazki galeria ikusgai hemen