Euskararen Nazioarteko Eguna da gaurkoa, eta hori ospatzeko ekitaldiak antolatu dituzte eskualdeko zenbait herritan; Ibarran eta Berrobin jolasean aritu dira, eta Iruran, berriz, dantzan eta kantuan.
Iruran, esaterako, kalejiran joan dira ikastolatik herriko plazara. Bertan, ikasleek dantza emanaldia eta bi abesti eskaini dituzte herriko abesbatzaren laguntzarekin. Ikasleen saioari amaiera emateko, txokolate beroa banatu dute bertaratu diren guztien artean. Ibarran, berriz, kantu jira egin dute Danon Txokoatik hasita, eta ondoren, Hitzen bila izeneko jolasean aritu dira plazako aterpean. Berrobin ere jolasean abiatu dute eguna Etxolan, eta ondoren, gaztaina jatearekin agurtu dute.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!