Olaberriko Herri Eskolako ikasleak ATARIA-n bisitan daude gaur. LH 1-6 bitarteko neska-mutilek ezagutu dute kazetari lana nolakoa den. Aurretik, eskolan landu dute kazetaritza; irrati saioak, telebista saioak eta aldizkari bat eginez.
ATARIA-ko erredakzioan kazetaritzaren nondik norakoez zertzelada batzuk jasotzeaz gain, irrati estudioan sartu eta lehiaketa batean parte hartu dute; 17 ikasleak lehian aritu dira lau talde ezberdinetan banatuta. Galde-erantzunetan aritu dira Olaberriako ikasleak ATARIA-ko mikrofonoetan.
Erakutsiz Ikasi proiektuaren barruan kokatu da honako ikasle bisita.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?