Horien artean daude Arkaitz Gabirondo Aspeko atzelari gazteluarra eta Gorka Ugartemendia Baiko Pilotako atzelari alkizarra. Gabirondok Dariorekin jokatuko du, eta Ugartemendiak Agirrerekin. Beste bikoteak hauek izango dira: Aspetik Egiguren V.a-Bikuña, Zabala-Eskuza eta Salaberria-Gaskue, eta Baiko Pilotatik Larrazabal Salaverri II.a, Senar-Eskiroz eta Zubizarreta III.a-Morgaetxebarria.
Sailkapen fasean hamalau jardunaldi jokatuko dituzte, bikote bakoitzak beste zazpiekin bina partida jokatuz. Lehen biak finalerdietako ligaxkan izango dira, eta beste bi postuak 3.a eta 6.a, eta 4.a eta 5.aren artean jokatuko dira. Finala, martxoaren 23an.