Indarkeria matxistaren aurka borrokatu! lelopean Tolosaldeko Itaiak hainbat egitasmo egingo ditu bihartik astelehenera, Emakumeenganako Indarkeriaren Aurkako Eguna dela medio. Astelehenean 18:30ean egingo dute mobilizazioa, Trianguloa plazan.
Datozen egunetara begira, bihar, jarduera bana egingo dituzte Anoetan eta Amasa-Villabonan. Hain zuzen, lehen herrian Indarkeria matxistaren aurrean antolatu tertulia egingo dute, 18:00etatik aurrera. Eta Villabonan, berriz, autodefentsa tailerra eskainiko dute, 18:30ean, erakusketa gelan.
Asteburuko hitzorduak
Larunbatean, berriz, Tolosako Ezpala gaztetxean egun osorako egitaraua prestatu dute; eta Ibarrako gaztetxean, kafe tertulia egin ondoren, mural bat margotuko dute.
Igandean ere beste bina ekitaldi antolatu dituzte Ibarrako gazte asanbladarekin batera, hain zuzen, Hitz egin dezagun indarkeriaz hitzaldia eta zine saioa. Azken jarduera, berriz, datorren astelehenean egingo dute, Tolosako Trianguloa plazan izango baitute mobilizazioa, 18:30ean.