Lau eta Erdiko Txapelketaren podiumaren hirugarrengo koskan eskualdeko pilotari bat izango zela ziurra zen, hirugarren eta laugarren postua erabakitzeko partida Altuna III.aren eta Jakaren arteko izan behar baitzuen. Baina amezketarrak ez zuen jokatu atzo Zumarragan egindako partida, ukondoan izandako lesio batengatik. Hori horrela, Elordik ordezkatu zuen, final-laurdenetako ligaxkan bosgarren geratu zen pilotaria.
Beraz, atzoko partidan Jaka eta Elordi aritu ziren elkarren aurka. Elordik irabazi zuen neurketa, 9-22. Elordik 18 tanto egin zituen eta 2 galdu, eta Jakak 7 tanto egin zituen eta 4 galdu. Igandean jokatuko da Lau eta Erdiko Txapelketaren finala, Laso eta P. Etxeberria artean. Finalistetako batek ezin badu jokatu, Elordi ariko da bere ordez.