San Martin Eguna da gaurkoa, eta eskualdeko zenbait herrik bat egin dute ospakizunarekin. Amasan, esaterako, mezarekin abiatu dute eguna, eta ondoren herri kirol erakustaldia izan dute pilotalekuan. Ernesto Ezpeleta Bihurrik gidatu du saioa, eta parte hartu duten kirolariek hainbat lan egin behar izan dituzte; aizkoran, harria jasotzen edota trontzan aritu dira, besteak beste. Bertaratu direnen babesa eta animoak jaso dituzte erakustaldi osoan zehar.
Amezketan, berriz, erretiratuen eguna ari dira ospatzen, San Martin Eguna dela eta. Ohi moduan, hauek ere mezarekin abiatu dute eguna, eta horren ostean, salda eta pintxoak banatu dituzte. Geroago, Txindoki jatetxean egin dute bazkaria. 50 lagun inguru elkartu dira, eta tartean izan dira udaleko ordezkarik ere. Bertsolari eta trikitilariek girotu dute otordua.