Buru-belarri lanean hasi dira Tolosan Herrikideko eta AE Damiao De Goes ikastetxeko ikasleak. Bizimodu osasungarriak eta ingurumenaren iraunkortasunaren sentsibilizazioa ardatz hartuta, hainbat ekitaldi egiten ari dira: mendi martxa, mendi orientazioa, bertako produktuen azoka, jasangarritasuna eta ekonomia zirkularra, sagardoaren prozesua eskolako baratzetik hasi eta bertako sagardotegi batetik ateratzen diren botiletara iritsi arte, herri kirolak… «Hau guztia frantsesez eta ingelesez kulturen arteko ezberdintasunetatik ikasiz», esan dute. Esperientzia guztiz aberatsa izaten ari dela esan dute eta martxoan Alenquerrera joango direla gaineratu dute. «Ikasleak hezteko eta pertsona bezala hazteko balio duen esperientzia da. Bouger le monde proiektuarekin guztion artean mundua mugitu dezagun!».
