Iñaki Artolak lesioa izan zuen aurreko asteburuan Zubizarreta III.aren aurkako partidan. Alegiarrari egindako erresonantzia magnetikoaren emaitzen arabera, lesio miotendinosoa du bizeps femoralaren zati luzean, eta ondorioz ez du jarraituko Lau eta Erdiko Txapelketan lehiatzen. Artolak fisioterapia-tratamendua hasiko du.
Asteburuan Erik Jaka lizartzarraren aurkako partida zuen Artolak, txapelketako final-laurdenetako hirugarren jardunaldian. Ondorioz, Jakak 22-0 irabaziko du partida hori eta finalerdietarako sailkatuta geratu da.