Tolosako Udaltzaingoak esan duenez, herrian putzu asko sortu dira azken orduetan, baina ez dute bestelako ondoriorik izan. Estoldak trabatu egin dira eta ondorioz, leku bat baino gehiagotan ireki egin behar izan dituzte. Amasa-Villabonan egoera antzekoa dela esan dute udaltzainek. Amezketa eta Abaltzisketa bidean luizi txikiak izan dira eta ondorioz, errepidea urez eta lokatzez bete da. Amezketa eta Alegia artean ere gauza bera gertatu da. Alegian Larraitz auzoan kaleak lokatzez eta urez bete dira.
Segurtasun sailak abisu horia ezarri du 00:00ak bitarte prezipitazio iraunkorragatik.
Azken orduetako euriteek sortutako eragozpenen argazki edota bideoak badituzu, bidali ataria@ataria.eus helbidera.
Eguneratzen jarraituko dugu.
