Ataria tokiko hedabideak 10 urtetik gorako bidea egin du eskualdeko 28 herrietako berriak komunikatzen. Horretarako, prentsa edo paperezko euskarria (egunkari eta astekaria), irratia eta interneteko ataria baliatzen dira. Momentu honetan, Ataria-ko lantaldeak beste hamarkada baterako bide-orria marraztu nahi du, Ataria-ko komunitatea osatzen duten kideekin gogoeta estrategiko parte hartzailea eginez. Bide horretan lehen geldialdia atzo egin zen; komunitateko hainbat kidek hausnarketa saioa egin zuten Tolosako kultur etxean. Baina ziur eskualdeko herritar gehiagok ere parte hartu nahi duela prozesu honetan, eta horretarako galdetegi xume bat prestatu dugu. Mesedez, anima zaitez erantzutera eta partekatu zure erantzunak zure elkarte kide, adiskide edo familia artekoekin!
Zure iritzia jaso nahi dugu
Ataria-n komunitatea osatzen duzuen guztion iritzi, hausnarketa eta iradokizunak jaso nahi ditugu, eta horretarako galdetegi bat prestatu dugu. Animatu erantzutera, Ataria-ren etorkizuna elkarrekin marrazten jarraitzeko.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!