Enpresa ekimen bat abiatu, ekintzaile izan edo enpresa txikiak martxan jarri nahi dituztenei zuzendutako ikastaroa antolatu du Tolosaldea Garatzen garapen agentziako ekintzailetasun sailak. Irailaren 18an, asteazkena, izango da, Lehiberri zentroan, eta lau orduko iraupena izango du: 9:30-13:30. Gehienez, 10 lagunentzako egongo dira plazak. Izena emateko edota ikastaroaren inguruan argibide gehiago izateko, 943 654 501 telefono zenbakira deitu edo zubeldia@tolosaldea.eus helbide elektronikora mezua bidali behar da.
Honakoa izango da gaitegia:
- Udal Izapideak
- Foru Ogasunean izapideak
- Gizarte Segurantzako izapideak.
- Ziurtagiri digitalak.
- Erabilera arrunteko dokumentuak.
- TICKET BAI