Itaiak gaur egingo du elkarretaratzea 18:30ean, Tolosako Trianguloa plazan. Horrelakoak ez direla gertakari isolatuak esan dute eta indarkeria matxista gainditzeko antolakuntza politiko independentea indartzea eta «arau kultural matxista borrokatuko duen jarduna lehen lerroan jartzea» beharrezkoa direla esan dute.
Mugimendu feministak, bere aldetik, bihar salatuko du erailketa Villabona eta Zizurkil arteko oinezkoen zubian 18:30ean eta Anoetako plazan, 19:00etan. Larunbatean egingo du Tolosako Asanblada Feministak protesta, 12:00etan Triangulo plazan. Gogoratu du lau emakume erail dituela indarkeria matxistak 2024an Euskal Herrian.