Aste Nagusia Torneoko finalaren errebantxa jokatuko da ostiralean Donostiako Atano III.a pilotalekuan. Bilbon finala jokatu zuten lau pilotarietatik hiruk errepikatuko dute ostiralean, eta oraingoan Rezusta izango da amezketarraren bizkartzain lanetan ariko dena. Finalerako txartela, pasaden astelehenean eskuratu zuten Etxeberria-Zabaleta 22-15 menderatu ondoren. Garaipen honekin, uda honetako seigarren finala izango da amezketarrarentzat.
Ez da eskualdeko derbirik izango ostiralean
Bigarren final aurrekoan, Iñaki Artola alegiarrak jokatu zuen Mariezkurrena II.a lagun zuela. Finalerako txartela atzamar puntekin ukitu bazuten ere, partida 20-22 emaitzarekin amaitu zen Laso-Imaz bikotearen alde.