Bederatzi haur saharar etorri dira Tolosaldera, uda bertako familietan igarotzera. Ekain amaieran iritsi ziren eta datorren astean itzuliko dira Aljerian kokatutako saharar errefuxiatuen kanpalekuetara. Itzuli aurretik, Tolosaldea Sahararekin elkarteak Agur Festa antolatu du.
Tolosaldera etorri diren haurrak eta euren harrera familiak ez ezik Euskal Herriko beste herri batzuetara etorri direnak ere gerturatu dira Tolosara. Haurrentzako jolasak eta tailerrak izan dituzte festa hasteko. Ondoren, 19:00etan, ekitaldia egingo dute, eta ondoren kalejira izango da. 20:30ean herri afaria egingo dute, norberak eramandako jakiekin. Festa amaitzeko, 21:45ean hasita musika izango da, Ali Seidahen eskutik.