Ekain amaieran iritsi ziren Euskal Herrira saharar errefuxiatu gaztetxoak, uda bertan igarotzeko. Tolosaldean 9 haur saharar ari dira uda harrera familietan igarotzen. Bada, bi hilabeteko egonaldia ari da amaierara iristen, eta laster agur esatea egokituko zaie.
Aurretik, ordea, Tolosaldea Sahararekin elkarteak Agur Festa antolatu du. Festa ostiral arratsaldean izango da, Tolosako Zerkausian. 17:00etan hasiko da, haurrentzako jolas eta tailerrekin. 19:00etan ekitaldia egingo dute, eta ondoren kalejira izango da. 20:30ean herri afaria egingo dute, norberak eramandako jakiekin. Festa amaitzeko, 21:45ean hasita musika izango da, Ali Seidahen eskutik.