Markagailuan une oro izan ziren aurretik irabazleak, eta ez zen esperotako parekotasunik egon final osoan zehar. Urdinek deseroso ekin zioten lehiari, eta bikote gorriak ongi baliatu zuen aukera hori. Hainbat tanto txandakatu zituzten, baina bikote urdinak lau tanto jarraian egitea lortu zuen, markagailua 14-10 jarriz. Garaileak, ordea, ez ziren urduri jarri. Rezustak atzean Imaz menderatu zuen, eta Altunak, berriz, Artola.
Bikote gorriak sendotasun aparta erakutsi zuen atzoko finalean, eta horren emaitza da atzoko garaipena. Hain zuzen, 22 eta 13ko emaitzarekin irabazi zuten Andre Maria Zuria Torneoko finala. Ama Zurian lehen garaipena du Rezustak, eta Altunak, berriz, laugarrena, Aspen sei urteetan lortzen duen lehenengoa. Gainera, amezketarra aukera zuten finaleko pilotari onena.