Ohitura bilakatzen ari da Andre Maria Zuriaren Torneoko finalean eskualdeko derbia ikustea. Pasaden urtean Peña II.a eta Altuna III.a izan ziren nor baino nor, eta aurten berriz, amezketarrak Artola izango du aurkari gisa.
Finalerako lehen txartela, Artola-Imaz bikoteak lortu zuen pasaden astelehenean Laso-Albisu bikoteari 22-11 irabazi ostean. Atzo berriz, Altuna-Rezusta 22-15 nagusitu ziren Zabala-Martija bikotearen aurka.
Finala; bihar jokatuko da Gasteizko Ogeta pilotalekuan, eta sarrerak erosteko aukera jada zabalik dago, entradasfronton web orrian.