Almitza Sega Elkarteak antolatuta, Emakumezkoen III. Binakako Sega Sail Lehiaketa izango da gaur jokoan, Altzon, eta lau bikotek parte hartuko dute, 17:00etan hasiko den saioan. Izadi Arrospide leaburuarra eta Maide Garmendia, Luixa Uzkudun leaburuarra eta Susana Lopez, Irati Astondoa eta Malou Henriksen, eta Alaitz Imaz hernialdetarra eta Jugatx Agirre berastegiarra ariko dira nor baino nor.
Bikote bakoitzak 300 metro karratu moztu beharko ditu ahalik eta azkarren, baina epaileek txukun moztuaraziko die, egindako akatsak zuzenduaraziz.