Santa Marina jaiak ospatu dituzte gaur, eta arratsaldean, Albizturko eta Bidaniko gazteen arteko herri kirolen erakustaldia egin dute ermitaren ondoko zelaian.
Festa eguna izan dute gaur Santa Marina ermitaren inguruan. Horretarako, Albizturko eta Bidaniko gazteak nor baino nor gehiago aritu dira herri kirolen erakustaldian. Egin beharreko lanen artean trontzan, txingatan, lokotxetan eta korrika aritu dira, besteak beste. Giro ederra izan da ermitaren ondoko zelaian eta herritarren animoei esker, azkenean, Bidaniko gazteak izan dira irabazle. Ospakizuna borobiltzeko, berriz, Alaitz eta Garazi trikitilariek girotu dute ondorengoa.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!