Sei gizonezko gazte ari dira lehian igande honetan, Gazteen II. Sega Sail Lehiaketan. 12:00etan hasiko da lehia eta Anoetan jokatuko da, zehazki Anoetatik Villabonara doan oinezkoen bidean. Segalariak bikoteka ariko dira eta bikote bakoitzak 600 metro koadro moztu beharko ditu ahalik eta azkarren, baina txukuntasunari eutsita.
Partaideak Amaiur Arrospide leaburuarra, Gorka Bildarratz tolosarra, Iñigo Etxabe belauntzarra, Josu Mendizabal, Manex Olaiz eta Oier Mitxelena izango dira.