Tolosaldean uda igaroko duten bederatzi haur saharar errefuxiatuei harrera egin zieten atzo, Leaburu-Txaramako udaletxean.
17:30ean hasi zen harrera ekitaldian, Tolosaldeko udaletxeetako ordezkarien agurra jaso zuten haur sahararrek, eta datorren urtean, «Oporrak Bakean programa antolatzeko beharrik ez izatea» espero dutela adierazi zuten udal ordezkariek. Harrera ekitaldiari amaiera emateko; Pirritx, Porrotx eta Marimototsek emandako pagoa landatu eta merendola egin zuten.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!