Ehunmilak probak 171 kilometro ditu, eta ostiralean 18:00etan abiatuko dira parte hartzaileak. Zelatungo lepotik larunbateko 01:40ak inguruan pasako dira. Ondoren, Tolosako Beotibar frontoian ibilbideko gune garrantzitsuenetako bat izango dute; hortik 03:00ak aldera hasiko dira pasatzen. Ondoren, Jazkue gainetik pasa (04:20) eta Amezketatik igaroko dira; azken herri horretan aurrenekoak larunbateko 05:15ak aldera hasiko dira pasatzen.
Goierriko Bi Handiak probako parte hartzaileak ere ostiralean abiatuko dira, baina gauez, 23:00etan. Larraitz izango da bigarren anoa gunea eta kontrol gunea, eta bertatik aurrenekoak larunbateko 00:35ak inguruan pasako dira.
Antolatzaileek jendeari deialdia egin die, hurbildu eta ibilbidean zehar parte hartzaileak animatzeko.
Ehunmilak eta Goierriko Bi Handiak probak, eskualdetik
Beasainen hasi eta bukatzen badira ere, eskualdetik igarotzen dira Ehunmilak eta Goierriko Bi Handiak probetako korrikalariak. Asteburuan, korrikalariak ikusteko eta animatzeko aukera izango da, beraz.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!