Abaltzisketako Larraitz auzoan hamaiketakoa egiteko elkartu dira herritarrak mezaren ostean, trikiti doinuek alaiturik. Arratsaldean ere trikitiak girotu du auzoa.
Tolosako Urkizu auzoan mezaren ondoren haurrentzako jolasak izan dituzte, eta ondoren auzotarrak elkartean elkartu dira bazkaltzeko. Arratsaldean gazteen arteko herri kirolak izan dituzte eta afariaren ostean Joxe Mendizabalen doinuak izango dituzte gaua alaitzeko.
Bihar ere izango da Urkizun festa giroa. Goizean, 11:00etan patata tortilla eta sagardo lehiaketa izango dute. Arratsaldean, berriz, 17:00etan, bolo eta toka lehiaketan ariko dira eta umeentzat jolasak ere izango dituzte. Ondoren, txokolatea hartuko dute, festei amaiera emateko.