Ekainaren 8an eta 9an, Ourensen, Espainiako Banakako Absolutu Mailako Txapelketa izan zen. Denok Danenako lau pultsulari izan ziren bertan, bi emakumezko eta bi gizonezko. Emakumezkoetan, Izarne Markok 8. postua lortu zuen 49 kilo kategorian, Euskadiko marka berri bat ezarriaz abiada modalitatean 57 kilorekin. Allison Rivera, berriz, 11. postuan gelditu zen.
Gizonezkoetan, Eki Lizasok hartu zuen parte 96 kilo kategorian, baina ez zen bere eguna izan. Abiada modalitatean zuritu egin zuen eta bi denboratan brontzezko domina eskuratu zuen. Benetan azpimarragarria, Ekaitz Kortajarenak egindako lana, baita lortutakoa ere. Espainiako txapeldunorde gelditu zen 61 kilo kategorian. Espainiako lehen domina gaztetxoa zenean eskuratu bazuen ere, 22 urte beranduago eta 38 urte betetzeko ateetan, oraindik ere jarraitzen du podiumera igotzen. «Benetako txapelduna!», esan dute taldetik.
Bestalde, ekainaren 15ean, Zarautzen Aritzbatalde kiroldegian, Euskadiko Junior Txapelketa izan zen jokoan. Taldeka Gipuzkoa izan zen txapeldun emakumezkoetan, eta bertan parte hartu zuten Denok Danenako Kisbel Lopezek eta Maialen Zubeldiak. Gizonezkoetan ere Gipuzkoa izan zen garailea eta Denok Danenako Unai Mesa, Mohamed Reda El Byad eta Eki Lizaso pultsulariek parte hartu zuten. Kategoria guztietan txapelduna Eki Lizaso izan zen.