Andra Festa ari dira egiten Andragoran, Tolosaldeko Emakumeen Etxean. 18:30ean hasi dute ospakizuna Batumore batukada feministarekin eta denetariko jarduerak izango dituzte segidan. Amaia Agirrek emango du ongietorria bertsotan eta, jarraian, Ixabel Agirresarobe ipuin kontalariaren saioa izango da.
Olaia Toral abeslariaren emanaldia etorriko da gero, eta Mirari Martiarenaren bakarrizketak jarraituko dio. Kantagora, Andragorako kantu taldeak ere abestuko du tartean. Arratsalde osoan zehar clownak ere izango dira. Festak irauten duen bitartean photocall feminista ere izango da, eta luntxa ere izango da bertaratzen diren guztientzat. Amaitzeko, dantzaldia izango da iluntzera arte.