Herriarteko Pilota Txapelketa final-zortzirenetan sartuko da asteburu honetan eskuz zein gomazko paletan. Eskuz Amezketak Bergaran jokatuko du joaneko neurketa, gaur 19:00etan hasiko den jaialdian. Oñati gainditu zuen 4-2 final-hamaseirenetan eta oraingoan Bergara izango du aurrean. Altzok txapelketan sartuko da final-zortzirenetan, eta Zaldibia izango du aurkari kanporaketan. Joaneko neurketa zaldibiarren etxean jokatuko dute, gaur, 20:00etatik aurrera.
Gomazko paletan Tolosa da eskualdeko herri bakarra parte hartzen ari dena txapelketan, eta aurreko kanporaketan Zumaiari 5-1 irabazi ondoren, oraingoan Oiartzun izango du kontrario. Beotibar frontoian jokatuko dute joaneko jardunaldia, gaur, 20:30etik aurrera.