Amezketa, Altzo eta Tolosa final zortzirenetan lehiatuko dira

Tolosaldeko Ataria 2024ko mai. 13a, 17:00

Gipuzkoako Herriarteko Txapelketa final zortzirenetara iritsi da, eskuz nahiz gomazko paletaz. Eskualdeko hiru ordezkari bakarrik geratzen dira txapelketan: Altzo eta Amezketa eskuz, eta Tolosa gomazko paletan. 

Bidean, eskuz, Amasa-Villabona, Tolosa eta Aduna geratu dira. Final hamaseirenetako kanporaketa ez zuten gainditu hauek. 
Amasa-Villabonak Bergararen aurka sei partidak galdu zituen; hiru joanekoak eta hiru itzulerakoak. Aduna Azkoitiak utzi zuen txapelketatik kanpo, nahiz eta jubenilen arteko bi lehiak eskualdekoek irabazi. Azkenik, Tolosak Beasainen aurka galdu zuen, kadeteetako partidak irabazita. 

Final zortzirenetan, Altzo lehian sartuko da. Zaldibiaren aurka jokatuko dute esku pilotan. Joaneko partidak Zaldibian izango dira ostiralean, 20:00etatik aurrera. Amezketaren aurkaria Bergara izango da eta hauek ere itzulerakoa etxean jokatuko dute. Gomazko paletan, Tolosako taldeak Oiartzunen aurka jokatuko du. Kasu honetan eskualdekoek joaneko partidak etxean jokatuko dituzte eta itzulerakoak Oiartzunen. 

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!