Denboraldi «zirraragarria» izaten ari da Aiztondo Neskide Kirol Taldearen boleibol sailarentzat. Larunbatean, maiatzak 11, infantil taldea Donostiako Pio Baroja kiroldegiko kantxara aterako da, 12:00etan, Lasarteko Ostadar taldearen aurka jokatzera. Gipuzkoako Txapelketaren finalerdia izango dute jokoan. «Finalera iritsiko direlakoaren konbentzimendu irmoarekin daude taldekideak, eta bide horretan klubaren babes eta animo guztiak dituzte», azaldu dute klubetik.
Infantilez gain, aurreko asteburuan kadete mailako taldeak ere Gipuzkoako Txapelketako finalaurrekoetara sailkatzea lortu zuen. Hurrengo asteburuan izango dute finalerdia Aiztondo Neskide Kirol Taldeko kadete mailakoek.
Argazkiak: Mikel Rodriguez