Txaramako festa batzordetik eskerrak eman dizkie Amarozko auzo elkarteari, «Amarotz eta Txarama auzoen arteko bidegorrian argiteria publikoa jartzeko, emandako babesa eta laguntzagatik».
Bada, hori eskertzeko, ostiral honetan, hilaren 10ean ekitalditxo bat antolatu dute. Hain justu, Txaramako plazan 19:00etan elkartzeko deia egin dute, eta handik kalejiran Amarozko bizilagunei harrera egitera joango dira. Ondoren, Txaramara elkarrekin itzuliko dira, eta bidean, bidegorrian kokatuko duten banku berrian geldialdia egingo dutela esan dute.
Behin Txaramara iritsita, elkartera joko dute, eta han afari-merienda egingo dute. Horretarako, auzotarrak patata tortillak egitera animatu dituzte. Tortillak egitera animatzen direnak 19:00ak baino lehen elkartetik pasatzeko deia egin dute.