Larunbatean Enkarterri Extrem Trails mendi lasterketak izan ziren jokoan. 21 kilometroko proban Oihana Zubillaga anoetarrak (Osin Trail Kirol Kluba) bigarren postua lortu zuen, 2.20.20ko denborarekin. Larraitz Etxebeste oiartzuarra (Soronea-Ammma) izan zen irabazlea, segundo bakar bat aurretik helmugaratuz. Hirugarrena Irune Velez de Mendizabal (Gaikar Zortzietakoak KE) izan zen, 2.22.20ko denborarekin.
Proba berean, gizonezkoetan, Iñigo Uribeetxeberria (Soronea-Ammma) bigarren izan zen, 1.53.13ko denbora eginez. Alpino Uzturre elkarteko hiru korrikalari lehen hamar postuetan helmugaratu ziren: Oier Zubeldia laugarren (1.59.03), Endika de las Heras bederatzigarren (2.05.00) eta Andoni Uzkiano hamargarren (2.07.04).
60 kilometroko proban, Soronea-Ammma taldeko Mayi Mujika legazpiarra bigarren izan zen, 7.26.41eko denbora eginez.