ANDER GOIKOETXEA ARANA
EH BILDU
Ander Goikoetxea Arana EH Bilduren Gipuzkoako hautagaitzan laugarren tokian joan da, eta honenbestez, legebiltzarkide izango da legealdi berrian. Automatika eta Elektronika Industrialean doktorea da. Mondragon Unibertsitatearen Galarretako EKO Campuseko energiaren ingeniaritza graduaren sorreran parte hartu zuen eta irakasle eta ikerlari bezala jardun du bertan. 2019tik Amasa-Villabonako zinegotzia da eta herrigintzako hainbat ekimenetan parte hartu izan du. Harituz Tolosaldeko bertsozaleen elkarguneko kide da.
BAKARTXO TEJERIA OTERMIN
EAJ
Bakartxo Tejeria Otermin EAJko Gipuzkoako zerrendaburua. Larraulgoa jaiotzez, baina egun Donostian bizi da. Zuzenbidean lizentziatua da. Abokatu lanetan aritu izan da eta Villabonako bake epailea izan zen. Villabonako zinegotzi bezala hasi zen politikagintzan, eta 2003-2007 legegintzaldian bertako alkate izan zen. 2001. urteaz geroztik da legebiltzarkidea, eta azken hiru legegintzaldietan Eusko Legebiltzarreko presidentea izan da. EAJko Gipuzkoako zerrendaburu izan da gaurko hauteskundeetan, eta honenbestez, legebiltzarkide izango da datozen lau urteetan. Alderdi jeltzaleak legebiltzarreko presidente izaten jarraitzeko hautagai bezala aurkeztu du.
OLATZ PEON ORMAZABAL
EAJ
Gizarte Langintzan diplomatua da eta Donostiako udalean lan egin izana. 2003tik Tolosan zinegotzi eta 2015etik 2023ra alkate izan da. Iazko foru hauteskundeetan Oria barrutiko zerrendaburu gisa aurkeztu zen. Hauteskundeen ondoren batzarkide gisa jardun zuen tarte labur batean, baina 2023ko uztailean kargua utzi behar izan zuen legebiltzarkide izateko; EAJren legebiltzar taldean gobernu ardurak betetzeko egondako kargu uzteen ondorioz, eserleku hori betetzea egokitu zitzaion, 2020ko hauteskundeetara aurkeztutako zerrenden hurrenkerari jarraituta. EAJren Gipuzkoako hautagaitzan laugarren tokian joan da, eta honenbestez, legebiltzarkide izango da legealdi berrian.