Eusko Legebiltzarreko 75 ordezkari hautatzeko eguna da gaurkoa eta horretara deituak daude herritarrak. 20:00etatik aurrera ATARIA-k jarraipen berezia egingo dio egun honi eta eskualdeko eta herriz herriko emaitzak ikusteko aukera egongo da Ataria.eus webgunean.
ATARIA-k bere webgunean duen Hauteskundeen plataforma bereziari esker, gaurko emaitzak ikusi eta beste hauteskunde batzuekin konparaketak egiteko aukera izango du erabiltzaileak. Emaitza hauek automatikoki jaso eta eguneratuko dira.
Kontaketaren amaiera aldera, berriz, alderdi politiko nagusienetako eskualdeko ordezkarien balorazioa jasoko da eta Eusko Legebiltzar berrian izango diren eskualdeko herritarren berri emango da.