20 aizkolarik parte hartuko dute; tartean, Ibon Garaiburu berastegiarra ariko da. Berarekin batera, Suharri Rodriguez, Ugaitz Mugerza, Julen Kañamares, Xabier Zaldua, Ibai Soroa, Yulen Aramberri, Eloy Corchero, Emilio Garcia, Ander Altuna, Eneko Larrion, Arkaitz Jauregi, Iker Goldarazena, Beñat Lekue, David Naredo, Oier Kañamares, Urtzi Olasagasti, Iban Resano, Iosu Santamaria eta Suban Kañamares ariko dira.
Parte hartzaileek hiru lan egin beharko dituzte: bi egur (etzanda) ebaki, korrika 2 kilometro egin eta beste bi egur (zutik) ebaki. Egurrak 45 ontzakoak izango dira. Bost txanda egingo dituzte aizkolariek; launaka ariko dira. Gehienez, 20 minutuko txandak izango dira, eta beraz, denbora horren barruan egin beharko dituzte lanak. Azkenean, denbora onena egiten duten sei aizkolariak apirilaren 21ean Azpeitian jokatuko den finalera pasako dira.
Sarrerak 15 euroren truke erosi daitezke Tolosako Orbela eta 3 tabernetan, Asteasuko Iturriondo jatetxean eta Hernaniko Kitto edaritegian. Egunean bertan leihatilan erosteko aukera izango da, 20 euroan.