Pasa den larunbatean, Xabier Mendizabalen Oroimenezko XI. Mendi Lasterketa egin zuten Beasaingo Arriaran auzoan. Bi lasterketa izan ziren: motza, 11 kilometrokoa, eta luzea, 23 kilometrokoa. Motzean, eskualdeko sei korrikalarik osatu zituzten gizonezkoen eta emakumezkoen podiumak.
Gizonezkoetan, Axier Artola amezketarra izan zen azkarrena (47.41), Jokin Tolosa anoetarra bigarren (48.43) eta Eneko Gurrutxaga amasarra hirugarren (51.01). Emakumezkoetan, Ainhoa Garikano tolosarra izan zen txapeldun (59.40), Ane Iturria bidaniarra bigarren (1.03.06) eta Irati Garro tolosarra hirugarren (1.04.49).
Goierri Koparako puntuagarria izan zen Beasaingo lasterketa, eta lorpen horiei esker, lehen postuetara gerturatzea lortu dute eskualdeko korrikalariek, batez ere, Tolosak eta Garikanok.
Argazkiak: Laida Goiburu / Goierriko Hitza.