John Cabang irurarra Filipinetako selekzioarekin ari da lehiatzen, eta asteburuan Asiako Txapelketan parte hartu du, pista estaliko 60 metro hesietan. 7,64 marka pertsonala egin du (aurretik 7,73 zuen) eta horrekin brontzezko domina lortu du Asiako Txapelketan, eta Euskadiko marka berria ezarri du.
Bi atleta Espainiako Txapelketan
Absolutu mailako pista estaliko Espainiako Txapelketa izan da jokoan asteburuan, eta bertan eskualdeko bi atleta izan dira parte hartzen. Real Sociedad taldeko Ander Martinez de Rituerto tolosarrak pertika proban seigarren postua lortu du, 5,20 metroko markarekin.
Maria Felisa Okomo Tolosa CF-ko atleta tolosarrak bederatzigarren postua lortu du pisu jaurtiketan. 13,36 metroko jaurtiketa egin du, denboraldiko marka onena, baina gutxigatik ez dio balio izan finalera sartzeko.