Sailkapenaren alde ezberdinetan kokatuta badaude ere, Lauburu Ibarra eta Laskorain taldeen arteko derbiak parekatuak izan ohi dira, eta biharkoa ere posible da horrela izatea. 2. B mailako bosgarren postuan dago Lauburu Ibarra, 32 punturekin, eta laugarren postua puntu bakarrera du. Laskorain, berriz, partida bat gutxiago jokatuta, hamabosgarren postuan dago, azken bigarren, 10 punturekin; bere aurreko postua sei puntutara dute tolosarrek.
Ligaren lehen zatiko derbia Donostian jokatu zen, Usabal kiroldegia itxita zegoelako. Orduan ibartarrek 1-6 irabazi zuten.