Gaur eguerdian hiru kamioik istripua izan dute N-1 errepidean, Itsasondon. Garraiolarietako bi zauritu dira eta Zumarragako eta Donostiako ospitaleetara eraman dituztela esan du Ertzaintzak. Istripua dela-eta errepidea itxi dute Gasteizerako noranzkoan eta bost kilometroko auto ilarak daude. Trafikoa A-15 autobidetik eta GI-2131 errepidetik desbideratzen ari dira, Legorretatik. Gainera, ibilgailu astunetako bat malda batetik behera erori da Itsasondoko tren geltokiraino.