Saiaz Mankomunitateak antolatu du 'Ongizate emozionala eta autozainketa' ikastaroa, eta dagoeneko egin dute lehen saioa. Antolatzaileek azaldu dutenez, «indartsu» hasi da taldea eta bi orduko bi saio egingo dituzte hilero. Saio horiek ekainera bitarte egingo dituzte, eta irailean ere jarraitzeko asmoa dutela azaldu dute.
Saioa Garmendiak gidatzen du taldea eta, besteak beste, hainbat helburu ditu ikastaroak: «kezkak partekatzeko» gunea izatea eta parte hartzaileek estresa kontrolatzeko erlaxazio-teknikak zein ongizatea lortzeko autozainketa-estrategiak garatzea.