Aiztondoko Euskal Eskola Publikoaz Harro plataformak kalejira koloretsua antolatu du urtarrilaren 27rako. Bailarako eskola publikoak eta haur eskolak babesteko ekimena izango dela aurreratu dute antolatzaileek.
Adunako herri eskolako, Alkizako herri eskolako, Amasa-Villabonako Fleming herri eskolako, Asteasuko Pello Errota herri eskolako, Larraulgo herri eskolako, Zizurkilgo San Millan eta Pedro Mari Otaño herri eskoletako, Aiztondoko Erniobea institutuko eta Aiztondoko haur eskoletako familia, irakasle, langile eta herritarrak daude deituta parte hartzera. 17:00etan abiatuko da kalejira Errebote plazatik eta Joxe Arregi plazariano joango da, erraldoi, buruhandi eta ipotxez lagunduta.