Gipuzkoa Pista Saria asteburu honetan amaitu da Anoetako belodromoan, bederatzi jardunaldiren ondoren. Kadeteetan Limousin Kartoiak taldeko Urko Nazabal irurarra izan da irabazlea, eta bigarren geratu da Andoain taldeko Eneko Ugartemendia billabonatarra. Nazabalek 731 puntu bildu zituen jardunaldi guztietan, eta Ugartemendiak 690; hirugarren izan den Jaime Abalosek 561 puntu eskuratu ditu.
Gipuzkoa Pista Sariaren azken jardunaldian, tempo race proban, Nazabal izan zen garaile, Samuel Valle asturiarraren eta Ugartemendiaren aurretik.