Oihana Iguaran, Aitor Mendiluze, Maialen Lujanbio, Amets Arzallus, Jone Uria eta Julio Soto ariko dira bertsotan eta, beti bezala, Amaia Agirrek egingo ditu gai-jartzaile lanak. Sarrera gehienak saldu badira ere, oraindik geratzen dira eta hauek eskuratzeko aukera egongo da bihar, urtarrilak 3, goizeko 10:30etatik 13:30etara bitartean ATARIAn bertan.
Sarrerak zenbakituak dira eta 18€-ko prezioa izango dute, ez da erreserbarik onartuko. Geratzen diren sarrera horiek agortzean, 800 laguneko aforoa beteko da eta ez da sarrera gehiagorik salduko.
Beraz, aurtengo Ataria Bertso Jaialdira joateko asmoa baduzu, azkar ibili eta erosi zure sarrera.
